'Oh My Love' mogache torekvar rupkar dakhoita

'Oh My Love'
mogache torekvar rupkar dakhoita



‘Oh My Love' hi Sandy-n bhair kaddloli Konknni kantaranchi VCD mogachea veg-vegllea rupancher atthaploli asa. Mogacho vixoy gheun, te visiddint torekvar kantaram aikhunk melltat. Survek, Sandy 'Khium Asa Tum' hea kantarant aplea mogeak koso ani kitlo axeta tem spoxtt zata. Tea uprant Aurvile 'Nach Bai Nach' aplea mogeak nachunk koso fuslaita, tem sidh zata. Eksurponn ek pidda ani monxeak ti holu-holu nattak korunk xeokta mhonn Ethel aplea 'Eksurponn' hea kantaran sangta.

Toxench, fottkirea mogacher patieunk upkarona ani toxem kelear eka cheddvachem jivit koxem koddu ani niraxiponnan bhorta tem Sonia 'Fottkiro Mog' hem kantar gavun sidh korta. Hanv mogak axelam ani zor apleak mog mell'lo, tor apleak sogllench mell'lem mhonn Eddie aplea 'I Wanna Love' hea kantarant sangta.

Tea uprant Sandy-n gailolem 'Oh Cheddva', Aurvile ani Trisca-chem 'Bhurgeponnacho Mog' ani Lavina-chem 'Kazaracho Ghutt' mogache veg-veglle rong dakholl kortat. Sorv-xevttim, apunn ekttea cheddvacho mog kortalom punn okosmat dusrean to mog ani kalliz koxem chorun vhelem tem Sandy 'Kalliz Chorun Vhelem' hea kantaran sangta. Soglleam kantarancho nad ani sur ekech dixtten gel'lo melltalo. Punn siddint kantaram sangata tore-toreche dekhave dakhoileat te nazuk asat ani polletoleak apunnui tea-tea kolakara sangata thoim asa, oxem dista.

Soglle aple ikmotin 'Oh My Love' hi visiddi uzvaddak haddli dekhun, V Ixtt Sandy-ik
porbim dita ani tache fuddle ievzonnent sogllo ies anvddeta.


P AGXEKAR
www.v-ixtt.com