Tuesday, June 1, 2010

‘Documentation of Tiatr, its Song & Music’

‘Documentation of Tiatr, its Song & Music’


Tiatr Academy of Goa (TAG) has formulated schemes for the preservation of Tiatr, its Song & Music through appropriate documentation. The first scheme is ‘Documentation of Tiatr, its Song & Music’ through research work. The research can be on any aspect of Tiatr, its Song & Music. Adequate remuneration will be paid to the research writer and the book will be published by TAG. The application in the prescribed form should be submitted to TAG on or before 30th June 2010 while the manuscript can be submitted by 15th December 2010.


The other scheme is ‘Preservation of Tiatr Literature in the book form’. This scheme provides for the publication of books of scripts of tiatrs, lyrics of songs with or without music, scripts of one act plays etc. The prescribed application form along with the manuscript should be submitted to TAG on or before 30th June 2010.

Scriptwriters of tiatrs and one act plays, lyricists of songs/music composers are requested to take the benefit of these schemes. No application to this effect will be accepted after 30th June 2010.


Victor de Sa
Member Secretary
Tiatr Academy of Goa (TAG)
Goa

Tiatranchem Rupantor Tiatr Academy Goa kortoli


Tiatranchem Rupantor Tiatr Academy Goa kortoli


Ponnje: “Yeta tea thoddeach kalla bhitor 'Tiatr Academy of Goa' (TAG) Tiatr mollar novi kranti ghoddun haddtoli; tache udexim tiatr pollevpeank unch dorjeacho tiatr ani titleach molachim kantaram aikunk melltolim, oxem TAG-acho odheokx Tomazinho Cardozo-n aplo sogllo atmvisvas ekttavn V. Ixttak sanglem.
“Tiatristamnim ap-aplea tiatrank unchlo dorzo asa mhonn boddayeo marleo tori tantunt khup unnem asa. Tiatr mollar zaito bodol ghoddpachi goroz asa, ani hanv TAG-acho odheokx zavn tabo ghetloleak hanvem hacher khor panvlam ubharleant, oxem Xri Cardozo hannem sanglem.

TAG odhikrut ritin sthaplear ek voros bhorlem, tea nimtan V. Ixtt protinidhin Xri Cardozachi bhett ghevn tache kodde TAG kortelea karya vixim bhasabhas keli tea vellar to uloitalo.

Gõyant tiatristanche 18 te 20 pongodd asat ani voros bhor tanchea tiatranche 10 tem 12 hozar proyog (shows) zatat. He tiatranche proyog nhoi fokot Gõyantuch ani Bharot desant zatat, bogor Gulf, UK, Swindon, Portugal hea desamni legit zatat. Halinchea kallar hea tiatranche proyog US-ant ani Cayman Island-ar porian zavnk lagleat hi Gõykarank obhimanachi gozal oxe Xri Cardozo hannem obhimanan sanglem.

TAG-a vixim uloitanam Xri Cardozo hannem fuddem sanglem ki, TAG-achi odhikrut ritin
ugtavnni kelea uprant, tiatranchi ani kolakaranchi udorgot korpa khatir sod'deak 28 yevzonneo ankleat. Hantleo khupxeo yevzonneo chalik lagleat. TAG fokot eka vorsachi lhan aslelean hacher atanch addavo ghevnk matxem moskil, toriponn gelea eka vorsachea kallant TAG-an kelelea karyachi mahiti divn ek riportt TAG jahir kortoli.
Adim Gõyant ganvchea festank fokot ganvkaranchech tiatr machyer haddtale, ani ganvcho lok te umedin polletalo. Hi zavn asli ek ganvchi porampora.
Punn kall sorta-sortam hi porampora noxtt zait geli, TAG-an he purvil'le poromporek novem jivdan dilem. Fattlea eka vorsachea kallant Gõyant veg-vegllea sat ganvamnim TAG-ache yevzonne khal tiatr dakoile. Tiatr dakhoitolo zalear soglle kolakar soktin ganvchech asunk zai. Muzg bhair thavn haddlear zata, oxem Xri Cardozan mhonnlem.

Lhan-vhodd tiatristanchim nanvam ani pot'te ghalun TAG-an halinch ek direkttori kaddlea, ti opurnn asa mhonnpachem Xri Cardoz-an mandun ghetlem. Tiatristanchim nanvam ani pot'te dinvche mhonn TAG-an 6 mhoine adim jahir kel’lem. Punn konnench tem titlem gombhirtayen ghevnknam, taka lagun, xevtta vellar jitlim nanvam ailim titlinch ghevn, ti direkttori TAG-ak kaddchi poddli. Punn atam te chukichi sudharnni korun eka vorsa bhitor novi direkttori porgott’tele oxem TAG-achea odheokxan V.Ixttak sanglem.

Halinchea kallar bras instrument vazovpi khupuch unnem zaleat. Ani hem oxem cholot ravlem zalear tiatranche poromporek borench marekar zavn asa. Haka lagun TAG-an je konn he instrument vazovnk xikpak apli khoxi dakhoitat taka tem xikxonn fukott divpachi yevzonn anklea. He yevzonnek boro protisad mellun, 15 zann bras instrument vazounk xiktat, oxem umedin bhoron Xri Tomazinho Cardozo-n V. Ixttak sanglem. Hi yevzonn xarti pavovpak TAG-an 3 lakh rupia rakhun dovorlele. He instrument xikun zatoch ek voros bhor tannim Gõyant ravun fokot tiatrank vazovnk zai oxem ek lhanxem kondisanv hea xikpeank TAG-an ghalam, oxem Xri Cardozo-n spoxtt kelem. Tornatteank tiatram kodde akarxit korpa khatir TAG-an anik ek bhov molachi yevzonn anklea. Ti mhonnlear 19 vorsam sokoilea bhurgeank tannim aple svotache tiatr borovpak ani kantaram ghoddpa vixim xikxonn divpi sabar xibiram TAG ghoddun haddunk yevjita. Atam jim bhurgim machyer yevn kantaram gaitat, tedna tea kantarachim utram ani nhesop pollelear tem kantar ek addechem dista, oxem Xri Cardoz mhonnta. Veg-vegllea zageancher hea tarunn bhurgeank xibiram korun zalea uprant, huxar ani umedichea bhurgeanche panch pongodd ghoddtole; ani tachech bhitor ek tiatram spordha kortole.

Hantunt jikpeank poilem, dusrem ani tisrem oxim duddvanchim inamam ditolet mhonn Xri Cardozan V. Ixttak sanglem. Xallamnim ani kolejimnim xikpi bhurgeank TAG-an ek vegllech torechi yevzonn anklea. Hea xikpeam khatir Konknni kantarancher nachpa spordha TAG ghoddun haddpak sodta. Fokot Konknni kantarancher zanv to magir `solo’ vo pongodd fokot Konknni kantarancher adarlolo asunk zai. Hache fattlo hetu mhonnlear hea bhurgeank Konknni sonskruti kodde ektthaim dovrop, oxi anik ek moladik yevzonn Xri Tomazinho Cardozan V. Ixttak ugtaili.

Tiatrank heram bhasantlean zavpi nattkam itlo dorzo na., Oxem mhonnlear tiatrist mandun ghetat? Oso proxn V. Ixttan kelo Hem sot tiatrist bhav-bhoinnim kobul korun ghenant, ponn hem oxench urchemna. Tanche modem zagrutay nirman korunk TAG sankoll xibiram (series of seminars) ghoddun haddtoli ani zaitea vostum vixim zannvikay ditoli, oxem Xri Cardozo hannem atmvisvasan bhorun sanglem.
Onek proxnak zabab ditanam, Xri Cardozo-n sanglem ki TAG sogllea adlea tiatristanchem ‘documentation’ korunk yevjita. Je tiatrist ani tiatrank sombhondit aslele zoxe muzg adi, tanchem ‘documentation; pustokam ani video filmam rupan astolem. Sod’deak he yevzonnecho vavr chalu asa.

Anik eka proxnak zabab ditanam, TAG korta tea vavracher lokan apli protikria veokt korunk zai, tednach amkam bore ritin kam’ korunk urbha melltoli, TAG-acher ‘Constructive Criticism’ zanvchem oxem Xri Cardoz-an mshonnlem. Konknni kantarancheo gramafon rikorddeo sodun kaddun teo sambhallun dovorpak TAG-an koslim panvlam ubharleant kai mhonn vichartoch Tomazinho-n sanglem ki, Konknni kantarancheo suru tem xevott merencheo gramafon rikorddeo ekttaim keleleo asat mhonnpachem TAG-achea nodrek ailam. Punn kaim oddchonneank lagun, TAG-ak teo aplea tabeant korunk xokonam. Heo adleo Konknni rikorddeo zavn asat Konknnichem daiz taka lagun teo ekttaim korun samballun dovrop hem ek mhotvachem kam’, oxem V.Ixttan Xri Cardoz-chea nodrek haddlem tedna, tannem hi gozal mandun ghetli.

“Zorui tor konnui umed aslolo amche modlo fuddem soron, hea gramafon rikorddanchi sodpus korun ekttaim korpachea vavrak survat korta zalear, TAG taka duddvanchi ani soglle torechi modot korpak raji asa. Heo gramafon rikorddeo fuddle pillgek obheas korpak khup molacheo,” oxem spoxtt mot TAG-cho odheokx Tomazinho-n Cardozo hannem jahir kelem.

TAG sonsthecho anik ek vangddi Pri Nevel Gracias-an V. Ixttak sanglem tea pormonnem, tiatranchea mollar TAG-an egdom mhotvachea vavrak survat kelea. Thoddeach disam bhitor TAG-an ankleleo soglleo yevzonneo jahir korche khatir ek lhan akarachem pustok uzvaddaitole. Tech porim tiatristank vimo, vollokh-potram adi korpachi TAG-achi yevzonn asa. Jea- jea vellar tiatristam modem futt poddta koxi disli zalear TAG soglle proitn kortoli tankam ekttaim dovrunk. Taka lagun ek ‘re-concilation’ somiti kaddpak TAG-achi yevzonn asa oxem Pri. Gracias-an V. Ixttak sanglem.

www.v-ixtt.com


[As forwarded to gaspar almeida by lino b. dourado,
www.goa-world.com]

Followers

Blog Archive

About Me

My photo
A big e-welcome to you. Tumcam Maie-mogacho ieukar. Enjoy Life - This is not a rehearsal! Konkani uloi, boroi, vach ani samball - sodankal. Hich Goenchi osmitai ani amchem khalxelponn. Goenchi amchi Konkani bhas! Ekvottachem saddon Goenkaranchem. This is Gaspar Almeida from Parra, Bardez, Goa, based in Kuwait and am connected with the www.goa-world.com website created by Ulysses Menezes, and as Moderator of the famous first of its kind Gulf-Goans e-Newsletter (since 1994) and The Goan Forum and several Goan and Indian associations and forums and e-forums in Goa, India, Kuwait, The Middle East and worldwide.