Tuesday, January 11, 2011

Soddun Vetana............

Kuwait Soddun Vetana...





Anik ek Goykar tiatr boroupi ani digdorspi Rosary Ferns-an, Mungllurche Konknni somudayechea itihasik pustokar, apnnalem nanv boroun dovorlem. Tacho ghazlolo tiatr Kuwait Soddun Vetana…, kalchea Sunkrarak Setembrache 25ver, 2009 sanjechea justuch 4:45 vorar Maidan Hawalli American International School Auditorium-an, Kolecho itihas rochpi Konkan Kala Samithi-Kuwait hasrea khal palkar haddlo. Famad gayok, natkist, nirmantak, tiatr boroinar Lancy Rodrigues, Bondel hannem ho tiatr Mungllurche Konknnin onn’karla (translated) ani disgdorxit kela. Joe
D’souza-chea adharan, John Kiran-an svaddik gitam ghoddun ani nazuk songit bosoun tiatrak vegllich sobay dilea. Tiatrache thodde kanni-che bhag flashback dekhave Blue-Ray Video & Photography, Alban D’souza-n filming keleat te, tiatracheo dorzo unchlea panvddear choddoita, ani Illuminations, Anand D’souza hachea margdorxonna-an, machiechi bizli ani avaz (light & sound) vevosthecho chomotkar korun, odik tiatrak rong haddta.



Machie mandavoll (stage setting) dolleam boro sarki. Machi nettovpi zaun aslo anik ek Goykar, Thomas. Dhor ek kollakaran khand marun bhes bori bhumika kelea punn eka girest ani doyeal Arbeachea ghorabean Aiyeache (maid-servant) bhumiken, Cynthia Pinto prekxokank dipkaita zalear, nizacho Arab koso bhumiken
Goykar kolakar Bernard Fernandes porzollta. Machier ubo ravpachi ani Arbi bhaxen dialogues ulouchi torika, vesaik (professional) tiatristam vonn bouch soimbik sovong Bernard-baban korun, vosro-bhor tiatr-pollennanrancho abru zhoddun ghetla. Tache koleche gunn, eka kinna bhitor Mungllurchea Konknni uloupi loka meren pavlo mhunn, dhor ek pavtti to machier dislo ten’na, vosreantle tiatr-pollennaranchea talliancho avaz sangtalo. Xabas Bernard!

Goykaranchi kola, rongtantuch asa mhunn, tuvem Munglurchea tiatr-mogiank sidh kelem.



Mhuki tiatr-kharia suru zaunchea adim, Doha Qatar thavn ailolo soiro gayok Shri Norbert Pereira-an, tachim famad zalolim gitam Konkani, Pavs, Prathver Kallok Fanktana, Meera-Meera, Moag, Oh Maria gailim zalear, intervalla uprant Mungllur thavn ailolo soiro gayok Mike Simon-an, Hanv Tuzo Moag Kortam Bai, Rock ‘n’ Roll, Dream Boy, Di Mhaka Moag Tuzo, Sopnant Bhettlo Sundor Cheddo ani Lavina, Gulf Voice of Mangalore puroskar lablolea famad gayok Vinay Lewis, Joyline Gonsalves, Jovita Fernandes ani Glady Lorena hanchea sangata solo, duo, duets, trikutt Salvador Rebello-chea songitar zalear, Jovas XLNC for Dance, Sunil ani Joythi nachachi vevosthin (choreographed) dans korun sojoilim ani tanche kumpasar kodelir bosun aslolo lok ang haloitole distale. Ani tatuntlean tatunt tutt korpak, ho lekh borovpi unno naslo. Rosary Ferns-achem novem git Kuwaitche Dinar, tiatr-pollennarank khubuch avoddlem. Hat-potrar vo handbill-ar dilolea porim, ho 4 vorancho proig polletam-polletam vell keddnam sompun ghelo tem mat kollunk nam. Boskek chitkun ravun, dhor ek kantaroristanchim kantaram lok aikotalo tem pollevnk, kovtuk diso. Git choltana, konnuch hollantlo bhair sorun vocho naslo, kiteak ek-ek gavpeachem kantar aikopa sarkem astalem.


Kuwait Soddun Vetana, Konkan Kala Samithi-cho poilo tiatr yexvont zaunk, zaitim kharanam asat. Poilea voilea svater hi kharia dhor ek samithi-che vangddi, konna tori margdoxonn ghevn ekvottan vavurleat, oxem Goa-world.com moderator, Gasper Almeida udgarlo. Sinema poddotin flashback dakhoileat te vevosthik ritin zalolean, tiatrak chodduch rong aila, oxem sinema vavran kormelolo amcho ek Goykar-bhav cholchitr digdorspi Shri T-Bush-an sanglem. Ho tiatr kinna bhitor hit zavnchem kharann mhollear kolakaramni aplo patt sobta toso zaunk, digdorspea sangatak tallim (rehearsal) marunk, boreoch nidho foddleat astoleo,
oxem niamit (regular) tiatr pollevpi, Mapxem-che Joaquim Rebello-n ugtem mot dilem. Tiatrachea script-an titlo bodoll zalona punn, Mungllurche Konknnint onnkarun, Mungllurkarank sondhex pavtta toso korunk digdorspi Lancy-bab boroch vavurla mhunn, dhor ek partisanchea bhumiker kollta, oxem Goycho ekloch
tiatrist AIS tiatr vosrean dispi, ani Rosary-chea poilea Al-Mashra Hawalli Sobhaghorant nheslolo Shri Laurente Pereira-an spoxttponnim sanglem. Tiatr ani khas sador kelolea kormunnunk kharivolli vixim jitlem boroitolo titlem thoddem zait punn, mhojean itlench mhunnonk zata, show of the year, oxem eka lokik potrakaran (nanv rakhun dovorcheak vinonti) tiatr somplea uprant, vosreantle bhair sortanam sanglem.

Tiatracho boroinar eklo zalear, digdorsponn dusrean samballam, ani kantaram-songit eklean boroileant zalear avaz vevostha samballunk sound Engineer oxe toren dhor ek vavr vanttlolean, nhoinch Munglukarank punn, Goychea tiatr-pollennarank muntraile mhunn mhoji un-unit xebaski Konkan Kala Samithik, oxem Dramapurche tiatr mogi ani adle tiatr-kharbari (Goyant) Shri Remet D’Sa-n, dadhoslolea avazan mhonnlem.
“Havem Rosary Ferns-ache zaite tiatr polleleat. Dhor ek tiatran koslo tori ek sondhex divnk, to yont korta. Hea aichea Kuwait Soddun Vetanam tiatran ek boro sondhex amkam mellta, ani dhor ek pordesan nokri kortoleanchea dolle ugte korta. Dekhunuch, hanv taka porbim ditam” Intervalla somoyar ek lhanxe man-potr vhariavolli vellar Rev. Fr. Melvin D’Cunha-an aplea bhaxonnan mhonnlem. Tiatr

Boroinar Shri Rosary-n, apnnalem ek sopon purem zalem mhunn bhavnnik (emotional) zaun Shri Anand D’Souza, Lancy Rodrigues, Munglurche tiatr-kolakar ani prekxokanche abar mandle.

Rosary Ferns-an, apnnalo vavr dusreanchea dolleam boro sarko kelo mhunn, amchim porbim. Oslem bhag, bhov thoddeank favta. Lancy Rodrigues-an, aplea digdorsponnan Kuwait Soddun Vetana tiatr, Kuveittche machier haddla, tech toren her Gulf desamni to haddunk amchi norm’ vinonti tiatr boroupea thaim. Oxem
hanv, mhaka tekhunn boslolea Kuwaitche Gulab protinidhi Domnic Araujo-k sangtanam, tech vellar Rosary-bab machier yeun, tachea Kuwait Soddun Vetana tiatrachi scipt Malayalam digdorspean soroll maglea mhunn. jahir kelem. Xabas Rosary! Tujea tiatrantlo sondhex, Bharotachea herui baxentlean onn’kar zaum.



Lino B. Dourado
http://www.goa-world.com/











Posted by Picasa

ROSARY FERNS

Tiatrist Rosary Ferns laid to rest



HERALD REPORTER



Tiatrist Rosary Ferns laid to rest

HERALD REPORTER

MARGAO, JAN 13, 2011

The mortal remains of Tiatrist Rosary Ferns were laid to rest at Colva on Thursday evening after an Eucharistic Celebration at Our Lady of Merces Church.

Members of the Tiatrist fraternity, well wishers, friends and fans paid their rich tribute to Rosary Ferns who died on 12 January due to cardiac arrest.

In his homily, Fr. Domnic Alvares praised Rosary Ferns for having kept the flag of Goans, Konkani Language and Konkani Tiatr high in Kuwait and the Gulf region through his God given talents. He said Rosary’s songs were centered on moral theme and conveyed a firm message to the listeners..

Kuwait Kala Mogi and other Goan Association in Kuwait have expressed shock over the untimely death of Rosary Ferns. Rosary Ferns working in Kuwait had come to Goa to celebrate Christmas with his family and was supposed to leave for Kuwait on January 18.

http://www.oheraldo.in/news/Local%20News/Tiatrist-Rosary-Ferns-laid-to-rest/44746.html

CONDOLENCES


CONDOLENCES



          ROSARY FERNS

Kuwait Goan Association (KGA) with deep sorrow and sadness informs all Goans
of the untimely demise of well-known Kuwait-based Konkani stage artiste and singer
Rosary Ferns this morning (January 12, 2011) in Goa.

We pray to the Almighty God to grant him eternal rest in his Heavenly Abode and
give the strength and courage to the bereaved family to bear this great loss.

In grief,
Salvador Dias, President
Members & Players of Kuwait Goan Association.


Loading...

Followers

Blog Archive

Loading...

About Me

My photo
A big e-welcome to you. Tumcam Maie-mogacho ieukar. Enjoy Life - This is not a rehearsal! Konkani uloi, boroi, vach ani samball - sodankal. Hich Goenchi osmitai ani amchem khalxelponn. Goenchi amchi Konkani bhas! Ekvottachem saddon Goenkaranchem. This is Gaspar Almeida from Parra, Bardez, Goa, based in Kuwait and am connected with the www.goa-world.com website created by Ulysses Menezes, and as Moderator of the famous first of its kind Gulf-Goans e-Newsletter (since 1994) and The Goan Forum and several Goan and Indian associations and forums and e-forums in Goa, India, Kuwait, The Middle East and worldwide.