Konkani Kovita: Amche Tiatrist

V-Ixtt Konkani potr-ar xhappun ailoli Konkani Kovita


Amche Tiatrist


Goenkar amche ximpoddleat sonvsarachea konxeamni

Goemkar uxear mhonn vakhannleat sabar mon’xamni

Goenkarank Devan bhorleat kherit denneamni

Tim denim vaprun nanv zoddlam amchea tiatristamni



Punn aiz-kal amche tiatrist zaleat ekdomuch chodd
Thoddeanchim kantaram aikun kannank ietat dista fodd

Somple te A. Mendes, A. de Candolim, Souza Boy, Con-Nel M. Dod

Nanv dovrun gele Alfred, C. Alvares, Jacinto Vaz, Kid-Young-Rod


Adle amche tiatrist zoborxe dusreachi marinasle kopi,

Atanche zaitech aplea matheak konnachi-i kaddun ghaltat topi

Thodde aplim kantaram gaitat gorvan fuloun apli xati

Khoro tiatirst zaun asta toch kantaram ghoddpi ani mhonnpi



Toxech zaitech aplea kantarancheo kessetti mhonn kaddtat

Famad tiatristank aplim kantaram mhonnpak kessettimni ghalta

Tosleo teo kessetti vazoitoch tantunt kitem asa tem gomta

Kantaranche bodlek tacher vazta tem songituch borem lagta.



Goeant amchea zaite ghoddpi-gavpi tiatrist asat lipon

Noxiban te babdde goribaiek lagon urleat chepon

Duddu aslole duddvanchea forsan dakhoitat aplem vhoddponn

Sotachem boroup korun dakhoitat tem ki khore tiatrisponn.



V. Ixtt, Upkaran. Otubr 22vi, 2005
www.v-ixtt.com

http://welcometoindia.com/vidfeeder_view.php?id=GHWFCJX5PKY