Friday, October 9, 2009

Premanand Lotlikar DKA-cho novo odheokx




Premanand A. Lotlikar (Dalgado Konkani Academi) DKA-cho sthap’pi vangddeam modlo eklo, zannem jiv otoun Gõycheo sonvskrutik kariavolli ghoddun haddleat ani tankam jiv otoun tenko dila. Konknniche Romi lipyecho mogi aslolea Premanand-an halinch, aplo gazlolo khell-tiatr “Loz ani Dukh” tech lipyentlean uzvadda haddla. Konknni machiecho to ek okhondd khambo ani nanvosto kolakar.

Tannem sabar tiatr borovn ani digdorxit korun machier haddleat. Konknni sonvskruti tigun urchi mhonn tannem nisvarthiponnan ani pott’tiddken seva keli dekhun, 1987 vorsa taka ‘Man of the Year’ puroskar favo zalo. Toxench 1979 vorsa taka ‘Gõycho Mog’, 1988 vorsa ‘Gulab Puroskar’ ani 2003 vorsa ‘Kala Mogi’ Pursokar favo zalo. Konknnichea mollar vaurtoleam ani Gõy sonvskrutaye kodde sombond asloleam Konknni Bhasha Mandal, Konknni Non-Stop Tiatristanchi Sonvstha, Kala Akademi, adi. heam sonvsthancho to probhavik vangddi. 2003 tem 2007 hea kalla khatir to Moddganvche Suvarnalaxmi Credit Society-cho odheokx aslo ani hea kallant tachea mukhelponna khal hi ‘Society’ borich vaddli ani ful’li.

DKA-chea odheokxponnachi zababdari apleam buzancher ghetoch kelolea poilea ulovpantlean, Romi lipyentlean Konknniche udorgoti khatir vavrunk DKA-cheam vangddeancho tannem puray sohokar maglo. Duddvanche nodrentlean DKA mozbut korpachi goroz asa hacher-ui tannem bhor dilo. DKA-che Vavurpi Somiticheam vangddeanchi ani tanche modle pod-odhikari vinchun kaddpachi poili zomat Dezembrache 23ver, 2007 sokallim 10.30 vaztam Ponnje DKA-che kocherint zateli mhunn novea odheokxan kollit kelam.

http://www.v-ixtt.com/archive/22-12-2007/goencheoherkhobro.html.

No comments:

Post a Comment

Followers

Blog Archive

About Me

My photo
A big e-welcome to you. Tumcam Maie-mogacho ieukar. Enjoy Life - This is not a rehearsal! Konkani uloi, boroi, vach ani samball - sodankal. Hich Goenchi osmitai ani amchem khalxelponn. Goenchi amchi Konkani bhas! Ekvottachem saddon Goenkaranchem. This is Gaspar Almeida from Parra, Bardez, Goa, based in Kuwait and am connected with the www.goa-world.com website created by Ulysses Menezes, and as Moderator of the famous first of its kind Gulf-Goans e-Newsletter (since 1994) and The Goan Forum and several Goan and Indian associations and forums and e-forums in Goa, India, Kuwait, The Middle East and worldwide.