Saturday, October 3, 2009

AITARACHEO KATKUTLEO: MAHANAND serial killer AZAD ZATOLO?

GOA-WORLD.COM

PRESENTS

AITARACHEO KATKUTLEO


MAHANAND serial killer AZAD ZATOLO?


Vidio kassetti vinkpi lojar, Eloy Films, hannim toyar kell’lem ek Konknni vidio film MAHANAND, mhojea nodrek poddlem. Halinchea disamni, vidio filmam kaddpachi, ek pixallay (craze) sinemachem kainch ek sozmonaslolea torekvar Goyakarank zalea. Thoddeanchim filming vo photography matxe unchli aslear, kaichea-kai dorzo naslolim thoddeanchim vidio filmam poixeancheo ibadd korchea korun, moladik vell pidddear kortat. Dekhunuch, adle toren sokoilea dorjechim poch-pochit pasun zalear, Konknni vidio fimam pollevnchi craze mhaka asli ti, atam pois zait veta. Goyam ghoddleli ek khori nixttur kanniecher bosoilolem MAHANAND vidio film zait mhunn, hanvem tem vikot ghetlem. Ani dusre votten, fimamcho boroinar ani digdorspi Jack-E, hem nanv novench vidio sinema mollar dislolean, odikuch tem film pollevnchi, mhoji kurusidad (curiosity) vaddli. MAHANAND film kaddlolea producer-an, anik thoddocho vell ghevn ani cholchitr dondhean onnbhovlolea mon’xancho adhar ghetlolo zalear, hem vidio sinema borench unchlea dorjechem zata aslem. Tori astanam, digdorspean zaite yont keleat, hem vidio film pollevpa sarkelem korcheak.




MANANAND filmam vixim hanv zoborxem sangonk sodinam, punn; film digdorspea vixim sangchelem mhollear, Mahanandu Naik-a oslea dharun mon’xan, ang xirxipa sarkele inosent ostoreanche kunn kortoleak, neaysobhen koslich govay (witness) mellunk naslolean, taka niopradhi mhunn (hea filman) soddun dita tem dakhoita. Va re va digdorspea! Goyche porjek tum zagrut korta. Ani khorench! Falleam oxench ghoddtolem. Anik ek onneaycho (injustice) nikal thartolo. Doya nastonam inosent 16 (?) ostoreanche kunn kell’lea rakshesh Mahanandu Naik-achi suttka zatoli. Kiteak? Amchi Bharoti neayvevostha (judicial system) broxttochar monis choloitat ani keast favo asloleank sojea mellona ani nit sodtoleank kourtichim daram dhamplolim melltat.



Tarvall-Shirodda, tacheach vaddeavoilem Darshan Tukaram Naik-acho, 1994 vorsant poilo kunn zalolo. Tea vellar pulisen, kholayen chovkoxi korun, Mahanandu-k; kourttileant koddok sojea diloli zalear, az kitlech inosent ostoreancho jiv vattovpacho mhunn, dhor ek Goykar hanga-thoim gombirtayen uloitolo aikunk yeta. Goyant, Scarlet Kneeling, ek European bhovnddekarn’nicho soglleam ujir Arjunna veller kunn zalolo. Ani tatunt, eka Montreachea putacho hat asa mhunn, desi toxench videsi TV chenolam, potram gorom-gorom bhatmi ditalim. Nikall kitem? Az meren nit mell’lea? Zalear, MAHANAND vidio filman, Mahanandu Naika-chi govay nasun suttka zatoli mhunn film-digdorspi Jack-E, adinch parkita. Ani oxem ghoddlem zalear? Teddnam nidhil’lo Goykar zago zaun nit magtolo?



Kourttaleant ni-opradi mhunn nikall mellun Mahanandu apnnalea ganvant bhitor sortanam, ganvcho lok kirmidoracher tuktt’ttat, fator martat, gallio-vosti ghalun boball kortat tem, digdorspean bhes bore toren sojoilam. Ganvchea loka modim, fuddem repest-manan tigpa sarkem naslolean, kornayok Mahanandu doryan jiv divnk veta. Punn dorya porian pottant ghevnk, apnnalea korttubank vittela mhunn, to aplea bapay-k sangta. Ani khaxea bapaikuch hea druxtt jogantlo mukht (free) korunk vinoyta. Khorench tacho bapui, taka sojea dita vo nam?



Goychea dhor ek motdarsonghan MAHANAND asat. Goyche dortorecho bholatkar ani kunn kortat. Kalchem Goem az disonam ani irlexem urlam tenvuim khobar korpak ganvchea Panchayitencho hok’k aplea muttint dovorleat. Mahanand Naik-ak ottok korpak pulisank 15 vorsam laglim. Punn amche motdarsonghanle MAHANAND-ak nikllavpak 5 vorsam puro zait. Punn toxem ghoddonam. Eleisanvam vellar dhor ek motdarak 500 rupianchem nott divn survatekuch tanchea toddantle jibecho kunn korun ghetla. Mhonnchem, poixeamni tanchim tonddam bond keleant. Ho khell ami kitlo khal meren pollevncho urla? Zoso vidio filman Mahanandu ganvant bhitor sortamna lok tacher fator, luti tuktt’tta tech toren 5 vorsamni amchea ganvant bhitor sortole amchea motdarsoghantlea MAHANAND-anacher fatrancho pavs ottoun vidio filmant dakhoilolea porim MAHANAND raksheshancho amcheach hatamni nash korunk zai. Fuddlea vechnnuke vellar oxem korpak amche lagim zatolem? Vo 500 rupiachi nott keddna athar poddtoli, tachi vatt polloit asat kay?



Lino B. Dourado


www.colaco.net www.v-ixtt.com

http://www.goa-world.com/goa/music/live.htm



Promoting Tiatr & Tiatrists since 1994

http://tiatracademy.blogspot.com/



Gulf-Goans e-Newsletter presented by goa-world.com team

http://www.yahoogroups.com/group/gulf-goans



http://aitaracheokaskuleo.blogspot.com/



GREET YOUR LOVED ONES IN GOA

http://www.goa-world.com/expressions/



http://www.asiawaves.net/india-fm-radio.htm
http://aitaracheokaskuleo.blogspot.com/

No comments:

Post a Comment

Loading...

Followers

Blog Archive

Loading...

About Me

My photo
A big e-welcome to you. Tumcam Maie-mogacho ieukar. Enjoy Life - This is not a rehearsal! Konkani uloi, boroi, vach ani samball - sodankal. Hich Goenchi osmitai ani amchem khalxelponn. Goenchi amchi Konkani bhas! Ekvottachem saddon Goenkaranchem. This is Gaspar Almeida from Parra, Bardez, Goa, based in Kuwait and am connected with the www.goa-world.com website created by Ulysses Menezes, and as Moderator of the famous first of its kind Gulf-Goans e-Newsletter (since 1994) and The Goan Forum and several Goan and Indian associations and forums and e-forums in Goa, India, Kuwait, The Middle East and worldwide.