Wednesday, July 1, 2009

Tiatrachea Machier: Tallio Marat

From: Edward Verdes
Subject: Re: [Gulf Goans] Tiatrachea Machier: Tallio Marat
To: gulf-goans@yahoogroups.com
Date: Tuesday, June 9, 2009, 2:29 AM

Mayachea poile sumanat hanvem ho tiatr mojea kuttumba sangatak, Margao GVN Hallant pollelo.

Khorench boreantlo boro tiatr hea seasonantlo. ..Bore dailog ani khoddegant acting...Bai Hazelachem acting maka ekdom borem laglem.
Avoi-bapain aplea bhurgeam sangatak ho tiatr pollouncho.

Kantaram borim aslim, chodd korun Francis de Tuem, Marcus Vaz ani Lawry Travasso ancho trio ekdom boro aslo ani tankam machier 6 pautti porte apoile.
(interval uprant te disonk nant)

(A very good tiatr of this season, good story, acting and powerfull dialogues. Dont miss this tiatr if you
are in Goa..specially Gulfies should watch this tiatr with their families)

Mojim Porbim Bab Milagres de Chandor-ak.

Dev Borem Korum
Eddie Verdes


----- Original Message -----
From: goa.world@yahoo. com
To: gulf-goans@yahoogro ups.com
Sent: Tuesday, June 09, 2009 6:39 AM
Subject: [Gulf Goans] Tiatrachea Machier: Tallio Marat




'Tallio Marat’
amchea tornnateancher lokx oddta

Ghorabeachea udarposonna khatir avoy-bapain fokot duddu ekttaim kelear puro na. Avoy-bapui aplea vaddtea bhurgeancher aplem lokx oddina tednam, tancho fuddar ani xevott koso ani koslo zata tem Milagres de Chandor 'Tallio Marat' hea aplea tiatrant bes-bore toren dakoll korta. Sam (Elvis) ani Savita (Sharon)-achea sangata tancheo dog dhuvo Rosa (Carmin) ani Zelia (Hazel) jiyetat. Aplea avoy-bapaiche nodre add Rose guptim Lenoy (Rumualdo)-chea mogan poddta ani dhaktti dhuv Zelia vaitt ixttagotik lagon, vikhallim vokhdam (drugs) ani soro piyeunk xikta ani tanchech sangata tem aplo chodd-so vell sarta. Gõyant aplim bhurgim vaitt rostear choltat mhonn pordesant nokrek aslolea Samachea kanar poddta. Dubai apli nokri soddun divn ani Gõyam yevn, aple potinni ani bhurgeam sangata fuddle dis sarunk Sam ek tharav gheta. Vaitt ixttagot soddun borea margar yevnk 'taker' (Milagres) Zeliak aplo adar bhasaita. Tachi-i bhoinn toslech poristhitint atm-ghat korun somploli dekun Zeliacher toslem moronn yena zavnk 'taker' zaiti tozvit korta, punn Zelia tachem kainch ek aikunk toyar asona. Ek dis aplea ixttam sangata vell sartana, vikhallim vokhdam piyevn Zelia soiranna bhair poddta. Te sondecho faido ghevn, tache te tin ixtt tacher bolatkar kortat ani jivexim martat. Tea tovnaxi mon’xamni Zeliacho xevott kelo dekun, to 'taker' vichitr toren tancho bodla gheta ani adarlolea khunnak lagon xevottak Inspektor (Agnelo)-achea hatantlean taka bondkhonnint vechem poddta. Dusre vatten, ankvarponnich Rose avoyponnachea bhesar pavta ani ti khobor aplea mogiak kolloitoch, gorbhpatt korunk to taka suchoita. Punn toslem panvl marunk Rose toyar zaina. Pordesant vochpache toyarek lagtana, ek bhonvddi marun, apun logn zatolo mhonn Lenoy Rose-ak bhas dita. Punn pordesant vetoch, Lenoyak Nikisha (Sunita) sampoddta ani dogaim Gõyam yevn lognache toyarek lagtat. Hi khobor aikun, Rose khup dukhi zata ani dil'lea utracher aplo mogi add gelo dekun, tem aplo jiv sompounk sodta. Punn Rose-achea kusveant aslolea bhurgea vixim sot uzvaddak yetoch, Nikisha guptim Rose-ak aplo adar bhasaita. Logna disa Lenoyak Nikisha nhoi, punn tachench adlem mogi Rose bhett'ta ani tachech thaim taka kazar zavchem poddta. Tanchi dogainchi ti bhett koxi zali, tem nimannea pordear bes- bore toren dakoilam. Kantaram babtint, Lawry Travasso-chem Niz Mog, Francis de Tuem-chem Dotor, Sharon Mazarello-chem Internet Novre, bab Cameron-achem Uddta to Buddta, ani duet gailolim Elvis-Carmen- achem Bhaddem, ani Victor-Andrew SEZ kantarank loka koddlean boro yevkar mell'lo.
V Ixtt Milagres de Chandor-ak porbim dita ani fuddarak anik tiatr borovn ani machier haddun, Konknni machiechi seva pott’tiddken korunk ulo marta.

DIGDORSPI ULOITA:
- Az meren hanven 22 tiatr borovn, machier ube
keleat.
- Konknni machier Follam Naslolo Rukh ho mhozo
poilo tiatr.
- Chodd-xe mhoje tiatr kuttumbancher attaplole
astat, punn he khepek hanvem adhunik
tornnateancher (new generation) bhor ghala.
- Tiatr pollevpeank lagon amche tiatr fuddem vetat.
Tancho sohokar novea digdorspeank- ui mellcho
Mhonn mhozo anvddo.
P Agxekar


www.v-ixtt.com


No comments:

Post a Comment

Loading...

Followers

Blog Archive

Loading...

About Me

My photo
A big e-welcome to you. Tumcam Maie-mogacho ieukar. Enjoy Life - This is not a rehearsal! Konkani uloi, boroi, vach ani samball - sodankal. Hich Goenchi osmitai ani amchem khalxelponn. Goenchi amchi Konkani bhas! Ekvottachem saddon Goenkaranchem. This is Gaspar Almeida from Parra, Bardez, Goa, based in Kuwait and am connected with the www.goa-world.com website created by Ulysses Menezes, and as Moderator of the famous first of its kind Gulf-Goans e-Newsletter (since 1994) and The Goan Forum and several Goan and Indian associations and forums and e-forums in Goa, India, Kuwait, The Middle East and worldwide.