M. Boyer vortoulo ek bhov suddsuddit kantorist Konknni palkacho

M. Boyer vortoulo ek bhov suddsuddit kantorist Konknni palkacho. Tachi
gitam orthabhorit tech porim gitachea utranchim manddavoll okhondd.
Tachea gitamni faltur vo bhorti korpak ghaltolem utor mellonk muskil.
Hacher thavem zatalem to aplem git artem-portem challun ghoddttalo
mhunn. Tech porim machier chukonastana aplem git gavpak to khub proyotn
kortalo. Aplem git gavunk machier choddche poilim machie fattlean to
ensay martana distalo. Zodd git aslear sangateank gheun ensay martalo.
Taka porot porot apoitat (encore) ten'na tedeach vellar ghoddun gavpachi
taka kopxi asli.

Fuddem porot porot apoilear magir to ek lhan 'speech' kortalo ani
porot apoum nakat mhunnttalo. Tachea koddchean magir oxem
korpak zaite tiatrist xikleat. 'Ex tempore' tachea ghoddpa vixim odik
thavem zata jen'na adim tiatrist eka-mekak zhupatti diun gaitale ten'na

M. Boyer zhupattink 'on the spot' portipall diun gaitalo.
Survatek the three big from Salcette - M. Boyer, Anthony Mendes ani
Souza Ferrao he asle ani tea uprant magir Boyer-Remmie-Jacint hem
tikttem Konknni palkar chodd famad.

'To aplea 'hodd'ddeacher' adharun chodd komik kortalo. Khoreponni ho
Konknni palkacho kolakar ek jadugar ani tiatr pollennarancho opurbaiecho
(darling).

Anik ek xegunn M. Boyer-acho mhollear taka gorv naslem. Edo vhoddlo
artist to aslo tori xati bhair ghalun bhonvlolo taka ami pollounk na.
Bastani kodden vo Dhobitalao khoimsorui konnui Goenkar taka voddkit
zalear ani apleak tachi vollok na zalear pasun thambon to sogleank
zapait vetalo.

Devan tankam aplea rajeant vhodd zago favo korum.

Fausto V. Da Costa
1/6/2009


_________________________________________________

Very well said Fausto.

"Tachea gitamni faltur vo bhorti korpak ghaltolem utor mellonk muskil"

In my opinion Boyer was by far one of the best song writers we had in
Goa. Above all his tunes were never borrowed from English songs. No
modern day tiatrist (dramatist is more apt) cannot hold a candle to him.
We need to salute this great Goan.
May his soul rest in Peace. We shall fondly remember you Boyer.

Blasio
Chinchinim / dxb
"Blasio Fernandes"

(Comments as posted on goanet.org)