Thursday, May 21, 2009

TIATRIST NASLOLO TIATR DIS (TIATR Day Celebration without TIATRISTS)
























TIATRIST NASLOLO TIATR DIS

- Vitorin Pereira, Utorda


Kala Akademy Gõy, 1996 vorsa-sun Abrilache 17ver Tiatr Dis monoita.

Xembor vorsam odik zalim tea disa bhov manest bab Lucasino Ribeiro ani Pai Tiatrist Joao Agostinho Fernandes hannim poilech pautt Mumboi xharant “Italiano Bhurgo” ho Konknni tiatr machier dakhoilear. Tachea ugddasak Kala Akademy ho dis 1996 vorsasun vhodda dobajean monoitana vorsan-voros kaim mhalgoddea tiatristank puroskar bhettoun sotkar korta. Hi tiatr mogiank, tiatr kalakorank khoxechi gozal.

Vorsavolli pormonnem hea vorsa Kala Akademint Tiatr disache karavollik hanv hazir aslom ani machier ravon don utram ulounk mhaka bhag favo zalem. Machier ravon vosrear nodor ghalit tor tiatr mogi (polloupi) favo toxe hazir asle punn khontichi gozal mhollear amchea tiatrist bhov thodde asle! Karann amche tiatrist bhav bhoinnank Abrilacher 17ver tiatr dis mhunnon khobor nasli kai? Vo Kala Akademichim apovnnea potram mellonknant. Tiatr dis mhunnche amchea tiatristank ghorchich kariavoll nhoi? Tankam apovnnea potranchi goroz asli?

Itlench nhoi fattim Moddganv don dis Dalgado Konknni Akademichem Sahityik ani sonskrutik sammelon aslem tednaim tiatrist favo tea porim nasle. Aiz kal tiatrist Konknni bhaxe vorvim tiatranim bhag ghetat ani aplea ghorabeank duddvancho adhar melloitat vo thodde tiatranchea zoddivorinch aplem kuttumb sambhalltat mhollear chuk zaunchina. Eka-eka tiatristachea sangatak ghorchim dog-tiguch ailear kariavollicho vosro chikar bhorom ieta. Tiatr polloupi koslei Konknni kariavollik khoxen ietat.

Punn amche tiatrist? Orthik vo dusro kosloi faido aslearuch ietele. Na tor oslea dobajeanchem kainch poddon vochonk na. Portem zalear Konknni ami tiatrist sambhallttat, amchi Romi Konknni amkam zai oxem hod’ddem fuddem kaddun machier ravon sangonk meklle! Hanv sogllech tiatristank hem lagu korina. Thodde khorench tan-bhuk visron Konknni khatir vavurtat. Vichitr gozal hi, tiatrist machier ravon kitli sobit Konknni utram ani sonvad uloitat, punn tech machievele denvle mhunttoch eka meka thaim Konkliz tastat toxench aplea ghoranim bail-bhurgeam thaim Inglez uloitat.

Itlench nhoi Romi Konnnichea fuddari passun eka-meka thaim khazgint Ingezuch katortat. Te uloitat tea gozalink Konknni utram nant kai? Vo amcho Konknnico mog fokot suvartha khatir vo tiatr polloupi bhousak fottoupa khatir? Ami Konknnicho apsuvarthi motlobponnan dongi mog korcho nhoi, punn nisuvarthi ani niz mog korunk favo oxem tumkam disona? Sodeak itlench puro.

JIVIT / Ank Mai 2009
(JIVIT - Konkani Monthly Magazine, issue May 2009).


No comments:

Post a Comment

Followers

Blog Archive

About Me

My photo
A big e-welcome to you. Tumcam Maie-mogacho ieukar. Enjoy Life - This is not a rehearsal! Konkani uloi, boroi, vach ani samball - sodankal. Hich Goenchi osmitai ani amchem khalxelponn. Goenchi amchi Konkani bhas! Ekvottachem saddon Goenkaranchem. This is Gaspar Almeida from Parra, Bardez, Goa, based in Kuwait and am connected with the www.goa-world.com website created by Ulysses Menezes, and as Moderator of the famous first of its kind Gulf-Goans e-Newsletter (since 1994) and The Goan Forum and several Goan and Indian associations and forums and e-forums in Goa, India, Kuwait, The Middle East and worldwide.