Friday, June 18, 2010

‘OTMIK VICHARDHARA’ KONKANI PUSTOKACHI UZVADDAVNNI

‘OTMIK VICHARDHARA’ KONKANI PUSTOKACHI UZVADDAVNNI

Ek Devsondexkar voddilam poros Devachi bori xikvonn diunk xokta. Dekhun eka Devsondexkaran boroilolem hem pustok OTMIK VICHARDHARA protek Kristi mon’xan vachunk zai. Vincy Quadros zaun asa ek Devsondexkar ani tannem aplea onnbhovanchi fanti hea pustokant guntlea. Vincy zaun asa novea Povitr Pustokacho ek onnkarpi. Oxe udgar St. john de baptista Firgojecho Padr vigar Fr. Conceicao Da Silva hannem Vincy Quadros-achem Otmik Vichardhara hem pustok uzvaddaitana kaddle. Hea pustokachi uzvaddavnni Kormollechea firgoz vattharant Junache 18ver 2010 disa sokallchea 10.30 vorancher zali.
Xri. Tomazinho Cardozo, Odheox, Tiatr Academy Goa, Fr. Pratap Naik, Director of Thomas Stephens Konkani kendr, Porvorim, Pustok Uzvaddavpi Filomena Quadros ani borovpi Vincy Quadros hea karyavollik hajir aslim. Hi karyavoll Snows Prokashan, Raia hannim ghoddoun haddloli.

Otmik Vichardhara hem purai deivik vicharanchem pustok. Tatunt mullavim Kristi muleam ani Kristi bhavarth thiraillolo asa. Dekhunuch hem pustok sogllea Kristi bhavartheamni vachunk gorjechem. Jezu Kristachi xikvonn, sacrament ani Povitr Pustokachem mhotv chitrailolem asa. Poilo bhavarth, korezm’, dotorn, vesonam, milagri, bhavarth, sasnnik jivit, paskam, thiravnni sarke vixoi hea pustokant hatall’leat.

Hea pustokantle soglle lekh Divine Voice, Kerela, Raia Firgojecho Avaz ani Sobdacho Prokas, Mandur hanga uzvaddak aileat mhunn Fr. Conceicao-an aplea ulopant sanglem.

Zoma zalolea lokamni Vincy Quadros-ak borea pustoka khatir porbim bhettoilim ani vhodd umedin pustok viktem ghetlem. Snows Prokashanachem hem chovtem pustok tannim Konknni sorospotik bhettoilam. Pustokachem mol Rs. 50/-. Pustokachem mukhe chitr ani manddavoll Lilia Louis hannem kelea zalear Rutu Offset, Volvoi, Savoi verem hannim tem chhaplam.


www.goa-world.com
gaspar almeida
June 18, 2010

Fotu: Snows Prokashan, Goa.

No comments:

Post a Comment

Loading...

Followers

Blog Archive

Loading...

About Me

My photo
A big e-welcome to you. Tumcam Maie-mogacho ieukar. Enjoy Life - This is not a rehearsal! Konkani uloi, boroi, vach ani samball - sodankal. Hich Goenchi osmitai ani amchem khalxelponn. Goenchi amchi Konkani bhas! Ekvottachem saddon Goenkaranchem. This is Gaspar Almeida from Parra, Bardez, Goa, based in Kuwait and am connected with the www.goa-world.com website created by Ulysses Menezes, and as Moderator of the famous first of its kind Gulf-Goans e-Newsletter (since 1994) and The Goan Forum and several Goan and Indian associations and forums and e-forums in Goa, India, Kuwait, The Middle East and worldwide.