Saturday, November 14, 2009

Tiatr ani Khell-Tiatr

Tiatr ani Khell-Tiatr

Halinchea vorsamni Gõyant amchi Konknni machi bhorpur girest zalea ani zait asa, oxem mhonnlear fott zauchi na. Eka kallar fokot bottancher mezpa itlech tiatr boroupi, digdorspi asle zalear, aiz tech Konknni machiechea rukhak kitleoch komreo yeun, fantte ani fulam ful'leant ani bhorpur follam diunk lagleat.

Kaim vorsam fattim, favo titlo arthik adar toxench goroz tednam favo tosleo sovloteo-i naslolean Konknni machier ek tiatr sador korunk eka tiatristak aplea nakantlean kitleoch xinko kaddcheo poddtaleo. Torui astona, soglleam
addkhollink fuddo korun, apleach pinzlolea bolsak ek chimtto kaddun, amche tiatrist bhav aple tiatr, khell-tiatr ganv-ganvamni sador kortale ani ganvchea lokak thoddem bhov agllo-vegllo divirtiment diun, tankam te umedir dovortale.
Punn Konknni machier aiz ti poristhiti uronk na. Urfattench zalear, chitr bodlun, Konknni machiechi progoti ani udorgot bhorpur zalea. Ani tacho puravo xaramni, ganvamni zatole hispa bhair tiatr ani khell-tiatr. Nove tiatr, khell-tiatr boroupi, digdorspi toyar zaun, aiz amche Gõyche porjek kitlech tiatr, khell-tiatr polleunk melltat
Thoddea tiatr boroupeank, digdorspeank tiatrachem madheom ek vevsay zala. Tiatramni nhestoleam choddxea amchea kolakarank to ek vevsay zala. Zaitea amchea tiatristamni tiatrantlean aplo ghor-sonvsar kela, aplo ghorabo choloila ani aiz meren tim choloit asat.
Konknni machier dusrem bodlop: tiatranche vixoy. Eka kallar 'bhattkar-munddkar', 'saumaim-sun' ani adi. vixoy gheun, thodde amche tiatrist aple tiatr Konknni machier oxech zoroitale. Punn kalla pormannem mathear kurponnem mhonntat te bhaxen, aiz somajik, rajki mollavele nazuk vixoy gheun ani kelloun, prexokank (audience) boro sondex ditat. Punn eke vatten ami tiatrachi udorgot mhunn polletanv, zalear dusre vatten kaim karonnank lagon tiatr, khell-tiatrachi durdoxea-i zata, oxem mhonnlear fott zauchi na. Tiatrachi kothach bori aslear purona. Tea xivay, tiatrant hanga-thoim misoll kel’li komedi gorjechi.
Punn kaim tiatr, khell-tiatramni komedi pollelear, ek vittechi ani hollxigechi gozal mhonnlear zata. Ani te-te pochpochit komedi vixim tiatristank xiddkailear, tanche dolle ugoddlear, “amchea Gõykarank toslich komedi manovta nhoi?” oxem te sangtat. Kaim tiatramni kantaram udexim hea-tea tiatristank katrop, tanchem mhellem sobhemazar dhuvop amkam Gõykarank sobona.
Konknni machi sudortoli ani unchlea dorjear pavtoli zalear amche tiatr, khell-tiatramni nove, taje somazak lagu zatole vixoy gheun, tore-torechim novlam bhitor kaddop mhotvachem. Toslo kall aiz amche modem udela. Komedicho-i dorzo bhorpur vaddcho asa. Toxem kelear-uch Konknni machi odik girest zatoli ani tiatr, khell-tiatr amche modem sodanch jive urtole, vaddtole. Urum ani vaddum

P. Agxekar
I VIP
www.v-ixtt.com


http://www.goa-world.com/goa/princejacob/

No comments:

Post a Comment

Loading...

Followers

Blog Archive

Loading...

About Me

My photo
A big e-welcome to you. Tumcam Maie-mogacho ieukar. Enjoy Life - This is not a rehearsal! Konkani uloi, boroi, vach ani samball - sodankal. Hich Goenchi osmitai ani amchem khalxelponn. Goenchi amchi Konkani bhas! Ekvottachem saddon Goenkaranchem. This is Gaspar Almeida from Parra, Bardez, Goa, based in Kuwait and am connected with the www.goa-world.com website created by Ulysses Menezes, and as Moderator of the famous first of its kind Gulf-Goans e-Newsletter (since 1994) and The Goan Forum and several Goan and Indian associations and forums and e-forums in Goa, India, Kuwait, The Middle East and worldwide.