Saturday, October 31, 2009

‘Wonder Boy’: CAMERON FERNANDES


::Kherit Lekh ::
‘Wonder Boy’: CAMERON FERNANDES

Kandollecho famad sangoddak hozaramni lok zomta. Ani hea hozar sonkhe samkara ubo ravun kantar gavop, ani tem-ui zalear eka lhan sat vorsam pirayechea bhurgean? Sobit- sundor, zhadda-peddamni nettoilolo, Mandovi nodik khori suropay diupi ganv mhollear Brittona. Hea ganvchea Cameron-bab Fernandesak 'Wonder Boy' nanvan vollkhotat. Sat vorsanche pirayer thaun Kandollechea sangddak kantaram gavun tannem thoim hajir aslolea lokachea tonddantlean “ho konn lhan bhurgo? Tannem borem kantar gailam!” oxim utram bhair kaddleant.

Hea vorsa, Serula Art and Culture Academy Porvorim, Penha de Franca pongddan Derrick D'Mellocho 'Kallokhi Uzvadd' tiatr spordhek ubo kelo. Hea tiatrant ‘Wonder Boy’ Cameron hannem git gavun 'Best Male Child Singer' inam’ zoddlem.
Punn Cameronak 'Wonder Boy' nanv koxem poddlem? “Hanv sat vorsancho aslom tednam ganvchea eka borea mon’xan mhaka Kandolle sangoddak kantar gavpak vhelo. Thoim Gõyche famad kantorist hajir asle. Hanvem mhojem kantar gavun zatoch, thoim hajir aslolea sogllea lokamni mhaka xabaski dili, ani dusrea disa 'Herald' potrar hanv ‘Wonder Boy’ mhunn chhapun haddlem,” oxem Cameron-baban fattlo ugddas kaddun umedin sanglem.

Camronan aplea jivitachi fuddarachi survat 2007 vorsa tiatr sopordhentlean keli. Cyril Almeidachea 'Utor' tiatrant tannem kantar gailem. Ani tea uprant tannem khubxea tiatramni zoxe porim 'Pavsa... asor kor', 'Hanv porot ietelim'kantaram gailim. Milagres de Chandor-an taka aplea 'Talliyo Marat' hea tiatrant kantar gavpachi sondi dili. Hea tiatrant tannem don kantaram 'Uddta to Buddta' ani 'Gõykar cum foreigner' gailim. 'Gõykar cum foreigner' kantar tannem ek ‘foreigner’ cheddum koxem nhesun gailem. Tachem nhesop sarkem cheddvachem aslem. Tachea kantra khatir taka inam’ diunk pordea fattlean ietale te Cameronak polleun hanstale.

‘Wonder Boy’ xikpant-ui khub huxar. Tachea monak kitem-i ugddas dovorpachi tank bhouch darechi asa. Ek pavtt Milagres de Chandor-an taka aplea 'Sot’tor Vorsanchem Bhurgem' tiatrant, tiatr suru zauncho thoddo vell kantar vachunk dilem. Tannem tem ek pavtt vachlem ani vell yetoch matui chukonastana gailem.
Cameron Jr. Chico apli sfurthi mhunn sozmota. Jr. Chico kantaram korta toso apnnem-i kantaram gavchim oxem taka dista.Cameron-bab Ponnjechea Don Bosco iskolant chovthi xikta. To xikpant toso khellant-ui huxar asa ani te khatir hea mollancher taka sabar inamam favo zaleant. ‘Wonder Boy’-acho Rosefern ho avddicho tiatrist ani Lawry Travasso ho avddicho kantorist. To vhodd zatoch Accountant zaupachi khuxi ugtaita.

VAVRADDEANCHO IXTT POTRKAR I VIP

www.v-ixtt.com

No comments:

Post a Comment

Loading...

Followers

Blog Archive

Loading...

About Me

My photo
A big e-welcome to you. Tumcam Maie-mogacho ieukar. Enjoy Life - This is not a rehearsal! Konkani uloi, boroi, vach ani samball - sodankal. Hich Goenchi osmitai ani amchem khalxelponn. Goenchi amchi Konkani bhas! Ekvottachem saddon Goenkaranchem. This is Gaspar Almeida from Parra, Bardez, Goa, based in Kuwait and am connected with the www.goa-world.com website created by Ulysses Menezes, and as Moderator of the famous first of its kind Gulf-Goans e-Newsletter (since 1994) and The Goan Forum and several Goan and Indian associations and forums and e-forums in Goa, India, Kuwait, The Middle East and worldwide.