Hit Konkani Duet "REPORTER ANI TIATRIST"

REPORTER ANI TIATRIST
Duet by Irene & Sylvester Vaz
Lyrics: Sylvester Vaz

(Sung on 18-09-2009 for the KGTS Mega Musical Show
"Tiatristponn Devachem Dennem" at Kuwait's Marsa Hawalli Auditorium
to a packed audience.



1)

IRENE : Lok mhaka man dita /reporter mhonn hanv,
Internetar toxench paperar, Tiatracher buroitam hanv

SYL : Nanv lipoun tum heo khobro dita, tuka zai toxe review boroita
Kaichekai pen tujem zhoroita, aiz gomlem mhaka tujem nanv

IRENE : Tiatrache review vachun /lok mhaka vakhantta
Kitlea tiatristank famad keleat/ hi kobhor nam tuka

SYL : Tujeach monxeank tuvem famad keleat vodlim xanneponnam sangonaka
Lok Tiatrak polloun amkam famad korta hem tum visronaka
Tiatristancher hadd boroita, govai nastanam
Konknni machiecho xirap tuka, lagtolo jivench astanam

2)

IRENE : Khuimchoi tiatr polletoch/ rokdoch mhojo review asta
Internetar Tiatracheo /khobro lok umedhin vachta

SYL : Tuka zai tankam tum voir kadta, tuje avddeche nhuim tankam tum tasta
Lok tiatr polloun Tiatr hit mhunta punn tum flop mhunon boroita.

IRENE : Thodde Tiatrist aplem borounk / mhaka farikh korta
Gifts hadtat, toxench hotelan voron / jevunk-pieunk dita

SYL : Zaite pautt Tiatrachem sodun, dusreachem khasgi jivit voir kadta
Tuka korzota eke kodden pun tum,boldech kodden korpita
Tujem pinzlam tem sogleak dista, tum dusreachem xivonk bhonvta
Boroupan borem korche boldek, dusmankai korun sodta

3)

IRENE : Kam reporterachem/ sompem nhoim ugdass dhor
Kiteim sudraunk boroilear/ tiatristank eta zhor

SYL : Tond pollenastanam tujem boroup kor, tiatristancho kaddinastanam for
Tiatristponn Devachem Dennem monant dhor,
Konkani Machi voir kaddunk boroup kor.

IRENE : Tumchea tiatrank Publicity/ ditat reporter ami
Tiatracher write-up korunk/ reporter asat komi

SYL : Tujeach monantlem boroinastanam, lokachem mot gheunk zai tumi
Lok tiatrak ieun amche tiatr soboitat tanche upkari ami.
Reporter zaunk tuka devan dileat bore te gunn
Nitin sotan report boroi, vavracher ghalinakai unn
Naka zal’lem boroup korun Tiatracho korinakai kunn
Tiatr aiz pasun jivo asa fokot hea lokak lagun.


(c) Sylvester Vaz



All rights reserved.



Photo by gaspar almeida
www.goa-world.com
18/09/2009