Monday, July 27, 2009

Konkani Tiatr 'Love Story 2009'


'Love Story 2009'
Dan-dovloticher uzvadd ghalta

Duddvamni mon’xachean sogllench gheunk zaina. Sonvsarant mon’xan apnnak nit melloun gheunk zait, punn Devacheo vatto veglleoch mhonn Mario Menezes 'Love Story 2009' hea aplea khell-tiatrant sangta.
Aplea bapaichea mornna uprant Pinky (Agnes) eksurem zata. Tachea bapaichea ixtta, Rio (Mario Menezes) ani tachea puta Roland (Lawry)-chea sangata jiyetana, Pinky guptim aplea sirvidor Maria (Rosy Alvares)-achea put Vicky (Victor)-chea mogant poddta.
Punn Pinky Rolandachea mogant poddun, tachea bapaichi soglli girestkay aplea thaim sasnnak uronk Rio axeta. Dekun Pinkycho mog veginuch jikhun gheunk, Rio Rolandak fuslaita.
Pinky aplea mogachi khobor Vickyche avoik kollounk tachea gharaxim veta tednam Pinky eka girest kuttumbantlem ani aplo gorib put tea kuttumbant kosoch sobcho na mhonn Vickychi avoy aplo nixedh dakoita, punn uprant Pinkychem kalliz-mon vollkhun gheun, apli provangi dita.
Pinky Vickychea mogant asa mhonn Roland ragabhorit zata ani aple vattevelo kantto kuxin kaddun uddounk to zaite proyotn korta. Pinkychea mogachi khobor to aplea bapaik kolloita.
Aplea ixtta, Pulis Inspektor Pereira (Mario de Vasco)-chea adaran, Roland Pinky ani Vickyk doxim korunk bharim vavurta. Ek dis Roland Vickyk 'kidnap' korta ani ‘farm house’-ant vhorun, taka boroch marta. Ti khobor Pinkyk kolltoch, tem aplea titiv, Riocho adar sodta. Vickyk zor kitem-i zalear, apleachi soglli dovlot Madr Terezak bhettoun, apunn ek madr zatolem mhonn Pinky Riok sangta.
Toxem ghoddun yena zaunk Rio ek manddnni kaddta. ‘Farm house’-ant Pinkycho khun zata, punn aplo prann tem Vickychea gopant sompoita. Pinkycho khun Vickyn kela mhonn somzun, pulis Vickyk koidi korta ani bondkhonnint uddoita.
Dusre vatten, Rio ani tacho put Roland meklleponnim aple fuddle dis sartat. Aplo ekttoch niropradhi put bondkhonnint asa dekun, Vickychi avoy khup dukhi zata, punn Devacher aplo visvas soddina. Devachi nit ek dis melltolich mhonn tika khatri zata.
Sorv-xevttim, Vickyk suttka mellta. Ani tacheach adaran opradheak khast favo zata. Opradhi konn ani niropradhi konn?-tem nimannea pordear bes bore toren dakoll zata.
Komedi babtint, havaldar Pikpik (Edison), Joana, John Hawtts, Bobit, Richard ani Shaikh Amir-an eka-mekak boro sangat ditat ani aple vinodhi bhumika korun, tim lokak umedir dovortat. Agusto de Panchwadi Rohana sangata songitacho sangat boro dila zalear, Pietyn bizlechi vevostha ani 'stage setting'-achi manddavoll Charin bore toren samball'lea.
'V Ixtt' Mario Menezes-ak porbim dita ani oglle-umedin anik-ui khell tiatr machier sador korun, Konknni machi girest korunk ulo marta.

P Agxekar
www.v-ixtt.com

Links:
http://www.flickr.com/photos/joegoauk-tiatr2/3746813583/

http://timesofindia.indiatimes.com/Cities/Goa/This-Easter-Sunday-itll-be-raining-tiatrs/articleshow/4390219.cms
Playwright and director Mario Menezes kicks off the season with a suspense thriller Love Story 2009' on Sunday in Ponda. Obviously, the theme revolves around a love story. "This time it's a different story altogether, and not like my earlier plays which were based on family stories," said Menezes. Love Story 2009' has 14 songs, besides 6 kantos. Victor, who excelled as child artiste earlier, teams up with Mario this season. Kuwait-based Michael D'Silva will render two solos in this show. The music will be provided by Agost de Panchwadi.
(Daniel F de Souza)


FIRST KONKANI INTERNATIONAL ONLINE MUSIC STATION (Estd. March 2000)
www.goa-world.com/goa/music/
{Created by Ulysses Menezes & Gaspar Almeida - Kuwait-based Goans}

No comments:

Post a Comment

Loading...

Followers

Blog Archive

Loading...

About Me

My photo
A big e-welcome to you. Tumcam Maie-mogacho ieukar. Enjoy Life - This is not a rehearsal! Konkani uloi, boroi, vach ani samball - sodankal. Hich Goenchi osmitai ani amchem khalxelponn. Goenchi amchi Konkani bhas! Ekvottachem saddon Goenkaranchem. This is Gaspar Almeida from Parra, Bardez, Goa, based in Kuwait and am connected with the www.goa-world.com website created by Ulysses Menezes, and as Moderator of the famous first of its kind Gulf-Goans e-Newsletter (since 1994) and The Goan Forum and several Goan and Indian associations and forums and e-forums in Goa, India, Kuwait, The Middle East and worldwide.